Индиянын тышкы иштер министри Кришна пакистандык кесиптеши Шах Мехмуд Куреши менен телефондон баарлашып, 15-июлда Исламабадга барууга чакыруу алганын маалымдады. “Болочок сүйлөшүүлөр эки өлкөнү жакындатууга жардамдашып, баарыбыз тилеген жакшылыкты апкелип, жемиштүү болот деп үмүт кыла туралы”, - деди Индиянын премьери кабарчыларга. Токтоп калган тынчтык сүйлөшүүсүн улантуу ниетин расмий Исламабад ырастады. 2008-жылдын ноябрь айында Мумбайдагы бомба жардыруулары 166 кишинин өлүмүнө алып келгенден кийин Индия Пакистан менен диалогдон баш тарткан.
