13 жыл оппозицияда болгон консерваторлордун лидерин өлкөнүн жаңы өкмөт-башчысы катары каныша Элизабет Экинчи дайындады жана ага өкмөттү түзүүнү тапшырды. 43 жаштагы Камерон - Британиянын акыркы эки кылымдан берки эң жаш премьер-министри. Шейшембиде лейбористтер партиясынын лидери Гордон Браун премьерликтен кеткенин жарыялаган. Дэвид Камерон өкмөт-башчы катары алгачкы сөзүндө консерваторлор шайлоодо өкмөттү өздөрү кураш үчүн жетиштүү добуш топтой алышпагандыктан, азыр либерал-демократтар менен коалициялык өкмөт боюнча сүйлөшүп жатканын айтты.
"Мен консерваторлор менен либерал-демократтар ортосунда толук жана татыктуу коалиция түзүүгө аракет кылам. Бул бизге азыр аябагандай зарыл болуп жаткан күчтүү, туруктуу жана мыкты иштеген өкмөттү түзүү үчүн жасалчу туура аракет деп ишенем", - деди жаңы премьер-министр.
АКШнын президенти Барак Обама ага телефон чалып, куттуктады жана Камеронду эки өлкө ортосундагы “өзгөчө мамиле” сакталып калат деп ишендирүүгө чакырды. Куттуктоо телеграммалары башка лидерлерден да түшүүдө.
"Мен консерваторлор менен либерал-демократтар ортосунда толук жана татыктуу коалиция түзүүгө аракет кылам. Бул бизге азыр аябагандай зарыл болуп жаткан күчтүү, туруктуу жана мыкты иштеген өкмөттү түзүү үчүн жасалчу туура аракет деп ишенем", - деди жаңы премьер-министр.
АКШнын президенти Барак Обама ага телефон чалып, куттуктады жана Камеронду эки өлкө ортосундагы “өзгөчө мамиле” сакталып калат деп ишендирүүгө чакырды. Куттуктоо телеграммалары башка лидерлерден да түшүүдө.
