Убактылуу өкмөт башчынын орун басары Азимбек Бекназаров “Азаттыкка” курган маегинде убактылуу өкмөткө каршы ар кандай күчтөр биригип жатканын билдирди. Бирок алардын максаты ишке ашпай турганын айтып, убактылуу өкмөт өлкөдөгү кырдаалга бүлүк салынышына жол бербейт, деди. Кечээ Жогорку Кеңештин жанында убактылуу өкмөткө каршы нааразылык акция өткөн. Ага үч миңдей адам катышып убактылуу өкмөткө качып жүргөн мурунку президент Курманбек Бакиевди тезинен кармоо, чек араларды ачууга чындап аракет кылуу сыяктуу бир катар талаптарды коюшкан эле. (EBM)
