Батыш өлкөлөрү баштагыдай эле Тегеранды жаңы санкциялар менен опузалап, бул мүмкүндүктү колдон чыгарып жибербеши керек. Түркиянын тышкы иштер министри Ахмет Давутоглу ушундай маанидеги билдирүү жасады. Түркия менен Бразилия жарнакташып, дүйшөмбү күнү Тегеранды чала байытылган уранын атом реакторуна керектүү отунга айырбаштап алууга көндүргөн эле. Бул демилгеге батыш лидерлери ишеңкиребей мамиле жасашты. АКШ Иранга каршы эл аралык күчөтүлгөн санкцияларды жарыялоо аракетин токтопой турганын билдирди.
