Убактылуу өкмөт кечээ жыйынында 6-7-апрелдеги окуяларды иликтөө жана ага саясий баа берүү боюнча мамлекеттик комиссия түзүү тууралуу токтомдун долбоорун жактырды. Комиссиянын башчысы болуп убактылуу өкмөттүн мүчөсү Абдыганы Эркебаев дайындалды. А. Эркебаевдин билдиришинче ага бейөкмөт, коомдук уюмдардын, саясий кыймылдардын өкүлдөрү, саясатчылар жана апрель окуяларында шейит кеткендердин туугандары кирет. Апрель ыңкылабында сексен адам өлүп, миңден ашууну жаракат алды. (EBM)
