Жогорку Кеңештин имаратынын алдына 200гө чукул жүк ташуучу автоунаалардын айдоочулары митингге чыкты. Бул тууралуу митингге чыккан айдоочулардын бири Малик Жунушалиев “Азаттыкка” кабарлады. Анын айтымында, учурда айдоочулардын үч-төрт өкүлү менен Транспорт министринин милдетин аткаруучу Эркинбек Исаков жолугушууда. Митингге чыккандар Кара-Көл, Сосновкадагы таразаны алып салууну, таразалардын чек араларда гана болушун талап кылып жатышат. М.Жунушалиев “Азаттыкка” кытайлык жүк ташуучу унаалардын Кыргызстанга киргизилишинен улам жумушсуз калып жатканын бышыктады. (КЕ)
