“Азаттыктын” кабарчысынын айтымында, Жогорку Кеңештин имаратынын алдына чогулган 200гө чукул адам Ошко барууга автобус берүүнү сурап жатышат. Чогулгандарга Убактылуу өкмөттүн Коопсуздук, коргонуу бөлүмүнүн жетекчиси Бузурманкул Таабалдиев чыгып, Оштогу кырдаал жөнүндө маалымат берди. Бирок чогулган жаштар дагы да өз талаптарын айтып жатышат, алардын жарымы унаа сураганы Бишкек шарынын мэриясына жөнөп кетишти. (КЕ)
