Ишемби күнү Германияда өкмөт жарыялаган үнөмдөө планына каршы миңдеген адамдар демонстрацияга чыгышты. Полициянын билдиришинче, Штутгартта нааразылык акциясына 10 миңдей адам катышты. Берлинде өткөн ири демонстрацияга канча адам катышканын полиция маалымдаган жок.
Италия өкмөтүнүн үнөмдөө планына каршы Римде да чоң демонстрация болду. Акцияга жумушчулар, студенттер, оппозициячыл партиялардын тарапкерлери катышты.
