Бул тууралуу Бишкек шаарынын ички иштер башкы башкармалыгынын маалымат кызматы билдирет. Маалыматка ылайык, түндөсү Бишкек шаарында баш аламандыктар катталган жок. Ушул тапта Бишкектин милициясы күнү-түнү иштеп, коомдук жайларда күзөт кызматынын адамдары көбөйтүлдү. Бишкектеги бардык райондорго “Патриот”, “Апрель”, “Ала-Тоо”, “Биримдик” сыяктуу уюмдардан турган ыктыярдуу топтордун жүздөгөн адамдары бекитилип, тартипти сактоо камсыз кылынууда. (IJz)
