Ош облусунун комендантынын маалымат кызматы билдиргендей, бүгүн Ош шаарында дагы бир барымтада жаткан адам бошотулду. Ош шаарынын Шейит-Төбө районундагы тазалоо операциясы учурунда 1973-жылы туулган Залкар Алыкулов аттуу барымтадагы жаран бошотулган. Ал 14-июнь күнү буюм-тайым саткан базарга өзүнүн соода түйүндөрүн текшерүү үчүн кирип, ошол бойдон белгисиз жоголгон. Облуста тазалоо операциялары, белгисиз жоголгондорду издөө уланууда. (IJz)
