Өлкөнүн биринчи вице-премьери Владимир Семашко ырастагандай, шаршемби күнү кечинде "Газпромдун" эсебине 187 миллион доллар которулду, Минск эми компаниядан орус газынын транзити үчүн эртең саат онго чейин 260 миллион доллар карызын төлөшүн күтөт. Болбосо орус газынын Евросоюзга өткөрүү токтотулат деп эскертти Семашко. Европарламенттин башчысы Ежи Бузек Литвада, Полшада жана Германиянын чыгыш бөлүктөрүнө орус газы аз келе баштаганын айткан эле.
