Бул тууралуу Борбордук шайлоо комиссиясынын өкүлү Галия Алымбекова “Азаттыкка” билдирди. Анын айтымында, азыр да добуш берчү адамдардын тизмеси такталууда. Ошондой эле референдумга көз салуу үчүн эл аралык 186 байкоочу катталган. Алар: КМШ Катчылыгы, Орусиянын Оштогу Башкы консулдугу, АКШнын Көз карандысыз демократиялык институту, Шайлоо системаларынын эл аралык фонду жана КМШ Парламенттер аралык ассамблеясынын өкүлдөрү. Алардан сырткары 2 миңден ашуун жергиликтүү байкоочулар референдумдун жүрүшүнө көз салмакчы. Жалпысынан республика боюнча 2 миң 281 шайлоо жайлары ачылган. (КЕ)
