Румыния өкмөтү бюджеттик тартыштыкты кыскартуу жана Эл аралык валюта корунан кредит алуу үчүн кошумча нарк салыгын 19 проценттен 24 процентке көтөрдү. Жума күнү Румыниянын соту өкмөттүн пенсияларды 15 процентке кыскартуу планын мыйзамсыз деп тапкан. Бул чечим өз кезегинде Эл аралык валюта фондунун дүйшөмбү күнү берилчү кредитин токтоткон. Румыния мурдараак Эл аралык валюта фонду менен Еврокомиссияга быйыл бюджеттик тартыштыкты 7,7 проценттен 6,8 процентке түшүрүлөт деп сөз берген.
