Убактылуу өкмөт мүчөсү Исмаил Исаков бүгүн Ош шаарында маалымат жыйынын өткөрүп, парламенттик шайлоого катышаарын билдирди. Бирок генерал, Убактылуу өкмөттүн түштүк аймагы боюнча атйын өкүлү Исмаил Исаков кайсы партия менен шайлоодо ат салышаарын ачыктаган жок. Исаков 27-июнда өткөн рефрендумга активдүү катышкан түштүк элине ыраазычылык билдирип, жалпы элдик добуш берүүгө коюлган жаңы Баш мыйзам Кыргызстандын өнүгүүсүндө маанилүү роль ойноп, корруциянын алдын алууга негиз түзүп, бийликке чынчыл жана таза жетекчилердин келишин шарттарын айтты. (EK)
