Бул туурасында убактылуу өкмөт мүчөсү Исмаил Исаков Ошто маалымат жыйынында билдирди. Түштүктөгү чыр-чатак чыгып тынчыган аймактарда 10-августка дейре кечки 21.00дон таңкы 06.00гө дейре коменданттык саат иштейт. Бул чара түштүк тургундарынын суранычы менен кабыл алынды. “Түштүктө кырдаал жөнгө салынып калганы менен, коменданттык саат иштесе тургундар өздөрүн ишенимдүү сезип жатышат. Ар кандай айың-кептер да адамдарды чочулатууда” деп билдирди Исмаил Исаков бүгүн маалымат жыйынында. (EK)
