Борбордук шайлоо комиссиясынын бюллетендердин 95%ы саналгандан кийинки маалыматына караганда, парламент төрагасы жана президенттин милдетин аткаруучу Бронислав Коморовски шайлоонун кечээги экинчи айлампасында берилген добуштардын 52%дан ашуунун алган. Анын атаандашы, апрель айындагы авиакырсыктан каза тапкан президент Лех Качиньскинин бир тууганы Ярослав Качиньски 47%дан ашуун добуш топтоду. Шайлоонун соңку расмий жыйынтыгы бүгүн кечке жуук жарыяланары күтүлүүдө.