Ош облусунун Ноокат районунда катуу жаанга байланыштуу сел жүрдү. Ноокат шаарында, Гүлистан, Кеңеш, Зулпуев, Кыргыз-Ата, Кара-Таш айылдарында суу ташкынынан улам турак-жайлар жабыркады. Өзгөчө кырдаалдар министрлиги билдиргендей, Шаңкол, Кыргыз-Ата, Каракол-Сай, Чили-Сай дарыяларынын деңгээли көтөрүлүп, жээгинен чыгып кеткен. Ушул тапта турак-жайлары жабыркагандарды коопсуз жерге көчүрүү маселелери караштырылууда. Табият кырсыгына байланыштуу Ноокат районунда электр жарыгы өчүп, көпүрөлөр катуу жабыркады. Ушул тапта келтирилген чыгымдарды аныктоо иштери да жүргүзүлүүдө. (IJz)
