Сейсмология институтунан “Азаттыкка” кабарлашкандай, Кыргызстанда түнкү саат 11ден 3 мүнөт өткөндө жер титиреди. Анын очогу Ош шаарынан батышты карай 37 чакырым, Кызыл-Кыя шаарынан чыгыш тарапты карай 34 чакырым аралыкта жайгашкан. Жер силкинүүсүнүн күчү эпицентрде 3,5 баллга жетти. Ош жана Кызыл-Кыя шаарында жер титирөөнүн күчү 3 балл, Борбаш айылында 3,5 балл болду. Алдын ала маалыматтарга караганда, жер титирөөдөн жабыркоолор болгон жок. (AzK)
