Сүргүндөгү өзбек акыны Мухамед Салих өз блогун ачты

Акын-саясатчынын интернеттеги блогунун биринчи бетинде кыргыз журналисти Бермет Букашева менен маеги басылган. Блогдон Салихтин ар кыл жылдары жарык көргөн маектерин, макалаларын, ал жөнүндөгү публицистиканы, ырларын орус, англис, өзбек тилдеринде окуса болот. (http://muhammadsalih.com/)

Мухамед Салих 1991-жылы президенттик шайлоодо мамлекет башчысы Ислам Каримовдон жеңилип калгандан кийин, террордук айыптоолор менен сыртынан кесилген. Анын чыгармаларына Өзбекстанда тыюу салынган, ал эми Кыргызстанда Ош Университетинин алдындагы Өзбек гуманитардык-педагогикалык институтунда окуу программасына киргизилген.