15 жыл мурун дал ушул күндөрү босниялык серб аскерлери 8000ден ашуун жергиликтүү мусулман эркектерди, жаш балдарды атып өлтүрүшкөн. Ал кайгылуу окуяга арналган каада өтүп жаткан эскерүү жайына кандуу уруш маалында өрттөлгөн 775 босниялык жана бир хорваттын сөөгү көмүлөт. Жыйынга Сербия менен Хорватиянын президенттери Борис Тадич менен Иво Йозипович, Түркиянын премьер-министри Режеп Тайип Эрдоган жана башка лидерлер катышууда.
