Бул тууралуу бүгүн Жалал-Абад шаарынын мэринин милдетин аткаруучу Максат Жээнбеков маалымат жыйында билдирди. Ал шаардагы талкаланган турак жай жана имараттардын чыгымдары азыр эсептелип, үйлөрдүн ээлери менен сүйлөшүүлөр жүргүзүлүп жатканын белгиледи. М.Жээнбековдун айтымында, талкаланган үйлөрдүн айрым кожоюндары көчүп кетүүгө бийликтен жер сурап, кээлери шаарды калыбына келтирүү планына байланыштуу бирге иштешүүнү сунушташууда. Шаар жетекчиси учурда Жалал-Абадда абал тынч жана стабилдүү экенин айтты. Бул тууралуу “Азаттыктын” аймактагы кабарчысы билдирди. (КЕ)
