Түштүктөгү июнь коогалаңында каза болгон укук коргоо органдарынын кызматкерлеринин урматына Оштогу күч структураларынын тайпаларынын ортосунда кыска аралыкка чуркоо, кол күрөш, кичи-футбол оюндары боюнча мелдеш өткөрүлдү. Жекшембиде жыйынтыгы чыгарылып, мыкты тайпалар менен кызматкерлерге сыйлыктар тапшырылды. Бул иш чарага Ош облусунун коменданты, генерал-майор Бактыбек Алымбеков менен Ош шаарынын коменданты Курсан Асанов демөөрчүлүк кылышты. Бул тууралуу Ош облусунун комендантынын басма сөз кызматынан кабарлашты. (AJ)