Жыйын - СПИД проблемасына арналган кезектеги 18-конференция, ага миңдеген илимпоздор, саясатчылар, медиктер, активисттер катышууда. Форум алты күнгө созулат. Улуттар Уюмунун баш катчысы Пан Ги Мун жыйын ачылар алдында дүйнө өлкөлөрүн бул илдетке каршы күрөшүү жагынан өз милдеттенмелерин толук аткарууга чакырып, айрым өкмөттөр бул максатка каралган каражаттарды кыскартып жатканын эскертти.
