Апрель окуясында курман болгон Чүй облусунун Ысык-Ата районунун үч тургунунун үй-бүлөсү бир бөлмөлүү үйдүн ачкычын алышты. Бул тууралуу Ысык-Ата районунун администрациясынын аппарат жетекчиси Мидин Алыбаев “Азаттыкка” кабарлады. Маалыматка ылайык бир бөлмөлүү үй Кант шаарында жайгашкан. Ачкычты тапшыруу аземине Чүй облусунун губернатору Сагынбек Абдырахматов, райондун акими Алишер Сакебаев жана курман болгондордун жакындары катышты. (КЕ)
