“Мекен туу” партиясынын негиздөөчүсү Урмат Бактабасов өткөрөрү пландалган курултай болбой калды. Эртең менен Бишкектеги Горький гүл багына чогулган 2000 чамалуу адам Балыкчыдан келаткан У.Барктабасов баштаган авто колоннаны күтүп атышкан. Бирок күч органдары Бишкектин кире беришин тосуп, курултайга келаткандарды өткөргөн жок. У.Барктабасов менен бийлик өкүлдөрүнүн сүйлөшүүлөрү натыйжасыз аяктап, түштөн кийин милиция кызматкерлерине таш ыргытылган соң алар кууп-таркатылган. Ушул тапта Бишкек – Балыкчы жолу толук тазаланып, унаалар каттай баштады. (IJz)
