Уюмдун Ирактагы миссиясынын мандатын дагы бир жылга узартууну Коопсуздук кеңешинин 15 мүчөсү бир добуштан колдоду. Ага катар Коопсуздук кеңеши ирактык лидерлерди быйыл 7-мартта өткөн парламенттик шайлоонун жыйынтыктарына негизденүү өлкөнүн жаңы өкмөтүн мүмкүн болушунча тезирээк курууга чакырды. Анда алган добуштарынын көрсөткүчү жагынан биринчи жана экинчи орунду алган мурдагы премьер- министр Ияд Аллави менен азыркы премьер- министр Нури ал –Маликинин блоктору башка саясий күчтөр менен коалиция түзүүнү азыркыга чейин макулдаша албай жатышат.