Бугүн Ош облусунун коменданты, ички иштер министринин биринчи орун басары Бактыбек Алымбеков АКШнын Мамлекеттик катчысынын баңги заттарды мыйзамсыз ташуу жана айландыруу маселелери боюнча жардамчысы Дэвид Т.Жонсон менен жолугушту. Анда эки тарап Ош облусу жана шаарындагы кырдаал, коомдук тартипти сактоо жана коопсуздук маселелери тууралуу сүйлөштү. Мындан тышкары биргелешип кызматташуунун багыттары талкууланды. Бул тууралуу Ош облустук комендантынын басма сөз кызматы билдирди. (КЕ)
