Борбордук Шайлоо Комиссиясынын мүчөсү Абдымомун Мамараимовдун «Азаттыкка» билдиргенине караганда, 14-августагы жыйынтыктар боюнча элүү бир партия парламенттик шайлоого катышуу ниетин билдирген. Учурда партиялардын каржы жана калган маселелери боюнча экиден өкүлдөрү кабыл алынып, каттоодон өткөрүлүүдө. Мыйзам боюнча шайлоого катышууну каалаган партияларды каттоо добуш берүү күнүнө отуз күн калганда токтотулат. Кыргызстанда парламенттик шайлоо 10-октябрда болот. (KKs)
