Алтайга барган алатоолук зыяратчылар Алтай Республикасынын борбору Горно-Алтайскиден 250 чакырым алыстыкта жайгашкан Чамалган өрөөнүндөгү Манастын туулган жери катары белгилүү Кан-Тоого чыгып, сыйынуу ырым-жырымдарын өткөрүп түшүштү.
Экспедициянын жетекчилеринин бири Акылбек Мураталиев “Азаттыкка” менен телефон аркылуу байланышып, Кан-Тоого сыйынуу каадасы кырсыктан сырткары жакшы өткөнүн билдирди. Анын айтымында, Кан-Тоого жол татаал болду, ошого карабастан зыяратчылар ал жерге жете бербей токтоп, өргүп, беш чатыр жана бир боз үй тигип, бир тай, үч кой союп, ырым-жырымдарды жасашты. Андан кийин зыяратчылар Манастын киндик каны тамган жери Кан-Тоого 12 чакырым жөө басышты. Кан-Тоонун жанындагы көлгө жетип, жүз чайып тилек айтып, сыйынып, ошол жердин топурагынан алып кайра жөө 14-августта кайтып келишти.
Кыргыз зыяратчыларын жергиликтүү алтайлыктар жана Новосибирскидеги кыргыз диаспорасынын өкүлдөрү коштоп жүрүшөт. 15-августта алар алтайлыктардын чакыруусу менен Он-Кудай деген жерге барып, кыргыздын Манас айтуу өнөрүн жана башка улуттук чыгармачылыктын жетишкендиктерин көрсөтүшөт. Андан кийин Горно-Алтайск шаарына кайтышат.
Алтайдын руханий жолбашчысы Акай Киненин чакыруусу боюнча Ала-Тоодон кырк уруу кыргыздын кырк жигити жана аларды коштогон коомдук жана маданият ишмерлери 8-августта Алтайга кетишкен. Алар жөнөп кетердин алдында Манастын туулган жеринен Кыргызстанга кырк ат минип, атчан жүрүш менен кайтып келүү планы бар экендиктерин жарыя кылышкан.
Экспедициянын жетекчилеринин бири Акылбек Мураталиев “Азаттыкка” менен телефон аркылуу байланышып, Кан-Тоого сыйынуу каадасы кырсыктан сырткары жакшы өткөнүн билдирди. Анын айтымында, Кан-Тоого жол татаал болду, ошого карабастан зыяратчылар ал жерге жете бербей токтоп, өргүп, беш чатыр жана бир боз үй тигип, бир тай, үч кой союп, ырым-жырымдарды жасашты. Андан кийин зыяратчылар Манастын киндик каны тамган жери Кан-Тоого 12 чакырым жөө басышты. Кан-Тоонун жанындагы көлгө жетип, жүз чайып тилек айтып, сыйынып, ошол жердин топурагынан алып кайра жөө 14-августта кайтып келишти.
Кыргыз зыяратчыларын жергиликтүү алтайлыктар жана Новосибирскидеги кыргыз диаспорасынын өкүлдөрү коштоп жүрүшөт. 15-августта алар алтайлыктардын чакыруусу менен Он-Кудай деген жерге барып, кыргыздын Манас айтуу өнөрүн жана башка улуттук чыгармачылыктын жетишкендиктерин көрсөтүшөт. Андан кийин Горно-Алтайск шаарына кайтышат.
Алтайдын руханий жолбашчысы Акай Киненин чакыруусу боюнча Ала-Тоодон кырк уруу кыргыздын кырк жигити жана аларды коштогон коомдук жана маданият ишмерлери 8-августта Алтайга кетишкен. Алар жөнөп кетердин алдында Манастын туулган жеринен Кыргызстанга кырк ат минип, атчан жүрүш менен кайтып келүү планы бар экендиктерин жарыя кылышкан.