Бүгүн таң эртелеп Багдатта армияга кызматка алган борбордо катуу жардыруу болуп, андан кеминде 47 адам набыт болду. Дагы 100дөй киши жаракат алган. Армияга кызматка келгендер кезекте турганда жанкечти өзүн-өзү жардырып жибергени айтылууда. Өлкөнүн аскерий жетекчилиги бүгүн терактты "Ал-Каида" жасаган деп билдирди. Иракта быйыл мартта өткөн парламенттик шайлоодон бери зордук-зобун кайра күчөгөнү айтылууда. Коалициялык өкмөттү түзүү узакка созулган саясий кризиске алып келди.
