Казакстанда «Азаттыктын» кабарчысы жана бир нече жергиликтүү журналисттер бошотулду

Аларды полиция бүгүн эртең менен эч кандай түшүндүрмөсү жок эле камап, кеминде үч саат кармашкан. «Азаттыктын» кабарчысы Куанышбек Каринин айтымында, полиция кызматкерлери анын камерасына жазылган видеолорду өчүрүп салышты. Бардык журналисттердин жеке буюм-тайымдарын, иштерине байланыштуу жабдууларын текшерип чыгышты.

Журналисттер Алматыда суфилердин лидери Исматулла Максумдун сот ишин чагылдырганы барышкан.