“Айыпталуучулардын социалдык көйгөйлөрүн чечүү боюнча мамлекеттик жана жарандык ыкма” деген темада тегерек үстөлдө камактагыларды паспорт менен камсыз кылуу, майыптарды жана жашы өткөндөрдү тиешелүү мекемелерге которуу сыяктуу маселелер талкууланат. Иш-чара “Зыянды азайтуу түйүнү” ассоциациясы менен Мамлекеттик жаза аткаруу департаментинин демилгеси менен өткөрүлүп, эл аралык жана өкмөттүк эмес уюмдун өкүлдөрү катышууда. Жыйын соңунда абактагыларды социалдык реабилитациядан өткөрүү аракеттерин бириктирүү жаатында резолюция кабыл алынмыкчы. Бул тууралуу “Азаттыкка” “Зыянды азайтуу түйүнү” ассоциациясынан кабарлады. (КЕ)
