Хайриддин Абдурахминов Тажикстандын Улуттук коопсуздук кызматынын башчылыгынан бошотулду. Ырасмий маалыматта Абурахминов “өз өтүнүчү боюнча кызматтан бошотулду” деп айтылат. 23-августта Улуттук коопсуздук кызматынын Дүйшөмбүдөгү абак жайынан узак мөөнөткө кесилген 25 ислам согушчаны беш күзөтчүнү өлтүрүп, качып кетишкен жана алиге кармала элек. Алардын баары өкмөттүк төңкөрүш уюштурмак болду деп соттолгон. Хайриддин Абдурахминов Тажикстандын коопсуздук кызматын 1999-жылдан бери жетектеди.
