Сербиянын юстиция министри былтыртан бери уюмдашкан кылмыш топторунун башчыларынын 256 млн. долларлык мүлкү тартып алынганын билдирди. Снежана Малович айымдын сөзүнчө, кылмыш топторунун башчыларынын там-жайлары, жерлери, ишканалары жана кымбат баалуу унаалары конфискацияланган. Анын баары сатыкка коюлат, же ижарага же коомдук фондуларга берилет.
Сербия парламенти былтыр мүлк-дөөлөттөр мыйзамсыз жолдор менен табылганы далилденсе, аларды конфискациялоо жөнүндө мыйзам кабыл алган болчу.