Португалиянын соту алты эркек менен бир аялды жүздөгөн балдарды жыныстык катнашка барууга мажбурлаган жана балдарды зордуктаган деп тапты. Лиссабондогу мамлекеттик балдар үйүндө 1990-жылдары болгон жосунсуз иштер боюнча соттук угуулар алты жылга созулуп, анда 800дөн ашуун күбөлөр менен эксперттер, анын ичинде 32 жабыркоочу күбө өтүштү. Бул Португалиянын тарыхындагы эң узун сот жараяны болду. Айыпталуучулардын ичинде мурдакы теледиктор Карлос Круз, экс-элчи Жорж Ритто да бар. Өкүм чукул арада жарыяланат.
2002-жылы Лиссабондун балдар үйүндөгү жосунсуз жоруктар ачыкка чыкканда Португалия коомчулугунда катуу нааразылыктарды жараткан.
