“Альфа” аскердик тобунун 8 мүчөсүнүн соту шайлоодон кийин болот

Бул туурасында «Альфа-Антитеррор» коомдук бирикмесинин жетекчиси Артур Медетбеков “Азаттыкка” билдирди. Анын айтымында, учурда иликтөө иштери жүрүп жатат жана аскерлердин жактоочулары сот болгонго чейин камактагылардын баш коргоо чарасын өзгөртүү боюнча Жогорку Сотко арыз менен кайрылганы турат.

Атайын даярдыктагы “Альфа” тобунун айрым мүчөлөрү 7-апрелдеги ок атууларга катыштыгы болгон деген айып менен камакка алынган. Учурда бул топтун командири Алмазбек Жолдошалиев УКМКнын убактылуу кармоочу жайында жана дагы башка жети мүчөсү үй камагында отурушат. (ES)