Президенттин маалымат жана координация борборун буга чейин жетектеп келген Фарид Ниязов ээлеген кызматын тапшырып, Кыргызстан социал-демократиялык партиясында саясий адис болуп ишин улантууда. Бул маалыматты “Азаттыкка” Ф.Ниязов өзү тастыктады. Ал өзүнүн кызматтан кетишин “коомчулукка жаңы кызмат ордумда пайдалуу болом” деп түшүндүрдү. Азырынча анын ордуна ким дайындалары айтыла элек. (КЕ)
