Линктер

шейшемби, 19-сентябрь, 2017 Бишкек убактысы 17:55

А.Бекназаров сот-прокуратураны дале көзөмөлдөөрүн айтууда


Вице-премьер-министр Азимбек Бекназаров “Азаттыктын” суроолоруна жооп берип, учурда Кыргызстанда эки өкмөт иштеп атканын, бирөөсү – Убактылуу өкмөт, экинчиси – техникалык өкмөт экенин, ал өзү эки өкмөттүн тең мүчөсү экендигин билдирди.

Анын айтымында, Убактылуу өкмөттүн мүчөсү катары ал 7-апрелден бери сот-прокуратура органдарынын иштерин көзөмөлдөп келатат. Ал эми кийинчерээк техникалык өкмөттүн курамына киргенден бери вице-премьер-министр катары Ички иштер министрлиги менен Жаза өтөө башкы башкармалыгынын иштерин да көзөмөлдөп калды.

Буга чейин президент Р.Отунбаева жарлык чыгарып, вицелердин ыйгарым укуктарын так бөлүштүрүп, А.Бекназаровго вице-премьер-министр катары Ички иштер министрлиги менен Жаза өтөө башкы башкармалыгын көзөмөлдөө тапшырылган. Сот-прокуратура тармагы түздөн-түз президентке баш ийип калган. Анда бир катар серепчилер, Убактылуу өкмөттүн курамында сот-прокуратураны да көзөмөлдөп келген А.Бекназаровду алсыратуу аракети башталганын айтышкан. Ал эми Убактылуу өкмөт өтө зарыл учурда гана декреттерди кабыл алууда чогулгандыктан, ыйгарым укуктардын так бөлүнүшү менен А.Бекназаров сот-прокуратура тармагын көзөмөлдөй албай калары айтылган. Ошентсе да А.Бекназаров Убактылуу өкмөттөгү ыйгарым укуктары бар экенин айтууда. (IJz)

“Азаттык” үналгысы журтташтар арасында жарыялаган онлайн сынак аяктады. Сынакка келген материалдар менен бул жерден таанышсаңыз болот. ​

XS
SM
MD
LG