Полицияга ылайык, Кашмирдин Индия көзөмөлдөгөн тарабындагы кагылыш АКШда Куранды өрттөшүптүр деген тескери маалыматтан кийин чыкты. Америкалык чиркөө башчысы Куранды өрттөөдөн баш тарткан, бирок Ирандын мамлекеттик Пресс ТВ каналы китепти жок кылып жатан башка кишинин сүрөтүн көрсөткөн. 10 миңдеген киши демонстрацияга чыккан Кашмирде өкмөттүк имараттарга өрт коюлуп, полиция бекеттери таш бараңга алынды, христиан мектеби өрттөлүп жок кылынды.
