Беларус баш прокурорунун орун басары Андрей Швед журналист Алех Бябениндин өлүмүнө байланышкан бардык версиялар териштирилип жатканын маалымдады. Буга чейин Беларус расмий адамдары журналист асынып, өз жанын өзү кыйган деп ырастап келаткан. 36 жаштагы Бябениндин сөөгү Минскинин жанындагы үйүндө 3-сентябрда табылган. Бир нече күндөн кийин ЕККУ Беларус бийликтерин көз карандысыз иликтөө жүргүзүүгө үндөгөн.
