10-июндан 16сына чейинки күндөрдө жасалган кылмыштар боюнча бардыгы 2300дөн ашык кылмыш иши козголгон. Алардан эми отузу тергелип бүтүп, сотко жөнөтүлдү. Ош шаар прокурорунун орун басары Данияр Сатыбалдиев "Азаттыкка" билдиргендей, козголгон кылмыш иштеринде киши өлтүрүү боюнча иштер 171ди түзөт, андан тышкары күч кызматкерлерин өлтүрүү жана денесине жаракат келтирүү боюнча 43 иш бар. Кылмыш иштеринин басымдуу бөлүгүн - 1400дөн ашыгын талап-тоноо кылмыштары түзөт. Бүгүнгө чейин үч иш боюнча сот иши башталган.
