Ал-Жазира телеканалы НАТО Ооганстандагы согушту чагылдырууга бөгөт коюуда деп айыптады. Катарда жайгашкан каналдын өкүлдөрү маалымдашкандай, оогандык эки операторун бейпилдик күчтөрү кармап кетишкен. Ал-Жазиранын ырастоосунда, НАТО жетектеген эл аралык күчтөр операторлор козголоңчулар менен кызматташканын, талиптердин үгүтүн жайылтууга көмөкчү болгонун айтып, камакка алууну тастыктады. Ал-Жазира андай айыптоолорду четке какты жана кызматкерлеринин бошотулушун талап кылды. Эл аралык күчтөрдөн азырынча комментарий түшө элек.