Башкаруучу партиянын Пхенянда ачылган жыйынында Ким Чен Ун борбордук комитеттин курамына кирди жана партиянын борбордук аскерий комитетинин төрагасына орунбасар болуп шайланды. Ким Чен Ир өзү партиянын баш катчылык кызматында калды. Байкоочулар Түндүк Кореянын лидери кичи уулун өз ордуна даярдай баштаганын айтышууда. Ошол эле учурда айрым эксперттер Ким Чен Ун өтө эле жаш, азырынча өлкөнү башкарганга жарабайт дешет.
