Улуттар уюмунун баяндамасына караганда, апийим түшүмүнүн быйылкы дүң жыйымынын дээрлик жарымга азайышы ал эгилген аянттардын оорууга чалдыкканына байланыштуу. БУУнун наркозаттар жана кылмыштуулук боюнча мекемесинин эсебине караганда, быйыл өлкөдө 3600 тонна апийим өндүрүлдү. Бул былтыркы көлөмдөн 48%га аз дегендик. Бирок баяндамада белгиленгендей, апийим эгилген аянттын көлөмү мурдагыдай эле калууда. Ооганстанда дүйнөдө өндүрүлгөн апийимдин 90%дайын чыгарат.
