Бул Латвия дүйнөлүк экономикалык кризистин сыноосун баштан кечиргенден кийинки биринчи жалпы элдик шайлоо. 2009-жылы Латвиянын ички дүң жыйымы 18 процентке кыскарган жана Рига капсалаңдан чыгуу үчүн Эл аралык валюта корунан 7,5 миллиард евро карыз алган. Латвия парламенти-Сейм жүз орундуу. Негизги күрөш кризистен чыгуунун катаал экономикалык программасын жүзөгө ашырган премьер-министр Валдис Домбровскис башындагы ортомчул оңчул коалиция менен оппозициядагы “Ынтымак борбору” ортосунда болору айтылууда.
