Университеттин Дейвис борборунун конок изилдөөчүсү, экс-депутат Бакыт Бешимов катышкан коомдук талкуу 6-октябрга белгиленген. Быйылкы апрелден берки окуяларга байланышкан кырдаал, алардын Борбор Азиядагы өзгөрүүлөргө таасири, түзүлгөн абалга байланыштуу аймактагы көтөрүлүш, төңкөрүштөр өзүнчө изилдөө багытына айланабы деген өндөнгөн маселелер коюлган илимий жыйынга Гарвард университетинин профессору Тимоти Колтон да катышат. Бакыт Бешимов билим берүү, саясат, дипломатия, өнүгүү тармагында кеңири тажрыйбага ээ болгон окумуштуу деп саналат. Ал парламентте социал демократиялык фракцияны башкарып туруп, Кошмо Штаттарына кетип калышын жеке башына келген коркунуч менен түшүндүргөн. (JCH)
