Венгриянын өкмөтү Дунай дарыясына уулуу зат төгүлгөнүнөн эч кандай экологиялык кырсык болуп кетпейт деп ишендирүүдө. Алюминий чыгарган заводдо авария болгондон бир топ күндөн кийин Дунайдагы суу текшерүүгө алынып, андагы “уулуу заттардын көлөмү нормалдуу эле көрсөткүчкө жакын” деп табылды. Авария дүйшөмбүдө өлкөнүн батышындагы Айка деген шаарчада болгон. Уулуу зат төгүлгөнү беш адамдын өлүмүнө алып келди. Экологдор болсо “Бийлик азыр окуянын чыныгы кесепетин жашырып жатат” деп ишенишет.
