“Акыйкат” партиясынан “Азаттыкка” кабарлашкандай, шайлоого катышып, бирок жетиштүү добуш топтой албай калган партиялардын өкүлдөрү бүгүн жыйынга чогулушат. Соңунда парламенттик шайлоонун жүрүшү тууралуу өз байкоолорун ачыктап, коомчулукка кайрылуу жолдойт деп маалымдалууда. Шайлоонун акыркы жыйынтыктарына караганда, жалпы республика боюнча шайлоочулардын 5 пайыздан арбын добушун "Ата Журт", КСДП, “Ар-намыс”, “Республика” жана “Ата Мекен” партиялары алган. (ES)
