Бул тууралуу бийликтен кулатылган президент Курманбек Бакиев “Азаттыкка” берген маеги учурунда билдирди. “Шайлоочулардын 55% ашууну катышкандан кийин аны тааныбайм деп айтууга болбойт. Негизгиси Кыргызстанда 7-апрель куралдуу төңкөрүштөн кийинки абалдан тажаган эл тынчтык, өлкөнүн өнүгүүсү үчүн шайлоого активдүү болбосо да, катышты”, - деди К.Бакиев. Анын айтымында, эл аралык байкоочулар 2009-жылдагы президенттик шайлоонунун жыйынтыктарын тааныган. “Ошондо деле шайлоо мыйзам чегинде, таза өттү дешкен”, - дейт ал. (КЕ)
