Бул тууралуу немец канцлери Ангела Меркел билдирди. Ал өзү лидерлик кылган Христиан –демократтар партиясынын жаштар канатынын жыйынында сүйлөгөн учурунда белгилегендей, акыркы жылдар Германиянын көп маданияттуукоом куруу аракети “толугу менен ойрон” болгонун көргөздү. Немец канцлери Германияда жашаган мигранттарды жергиликтүү коомго интеграцияланууга, анын ичинде немец тилинде сүйлөөнү тезирээк үйрөнүүгө чакырды. Немец канцлеринин бул сөздөрү ал өз партиясы ичинен эле немец коомуна аралашууга дилгирлигин көргөзбөгөн мигранттарга карата катаал чара көрүүсү үчүн кысым көргөзүлүп жаткан учурда айтылды.
